×
Telegram

Подпишитесь на наш Telegram-канал

Будьте в курсе последних новостей и обновлений!

Подписаться

Яна 9 та давлат қолди


ЖСТ ва Ўзбекистон

Ўзбекистон Буюк Британия билан ЖСТга аъзо бўлиш бўйича икки томонлама музокараларни якунлади.

Ўзбекистон Жаҳон савдо ташкилотига азо бўлиш доирасида Буюк Британия билан икки томонлама музокараларни якунлади, деди Президентнинг ЖСТ масалалари бўйича махсус вакили Азизбек Ўрунов.

"Ўтган ой охирида биз Британия жамоаси билан икки томонлама музокаралар ўтказиш учун Лондонда бўлган эдик. Энди мен улар якунланганини эълон қилмоқчиман ва ўшандан бери биз 2025-йил 12-июн куни Женевада бўлиб ўтган Ишчи гуруҳнинг 10-йиғилиши доирасида Протоколни имзолаш учун ички тартиб-қоидалардан ўтдик", деб ёзди у.

Унинг сўзларига кўра, Буюк Британия бозорга кириш масалалари бўйича икки томонлама музокаралар муваффақиятли якунланган 24-давлат бўлди.

Феврал ойида Буюк Британия Ўзбекистонни ЖСТга кириш масаласида қўллаб-қувватлашини билдирган эди. Учрашув якунлари бўйича томонлар республиканинг ЖСТга аъзо бўлишини техник қўллаб-қувватлашни кенгайтиришга келишиб олдилар.

Май ойида икки томонлама трек доирасида 33 та давлат билан бозорга чиқиш масалалари бўйича музокаралар олиб борилгани, шундан 24 таси музокараларни муваффақиятли якунлагани маълум бўлди. Жорий йил охирига қадар қолган 9 давлат билан икки томонлама музокараларни якунлаш топширилди.